Sími 441-6600 

K

G

Klappa saman lófunum

Klappa saman lófunum

reka féð úr móunum

vinna sér inn bita

láta ekki pabba vita

 

Kalli litli könguló

Kalli litli könguló, klifraði upp á vegg.

Þá kom rigningin og Kalli litli féll.

Upp kom þá sólin og þerraði hans kropp.

Kalli litli könguló, komst þá upp á topp.

 

Karl gekk út um morguntíma

Karl gekk út um morguntíma

taldi alla sauði sína.

Einn og tveir og þrír og fjórir

allir voru þeir.

 

Með höndunum gerum við

klapp, klapp, klapp.

Með fótunum gerum við

stapp, stapp, stapp.

 

Einn, tveir, þrír,

ofurlítið spor,

einmitt á þennan hátt

er leikur vor.

 

King kong

Ding dong, sagði lítill grænn froskur einn dag

Ding dong, sagði lítill grænn froskur.

Ding dong, sagði lítill grænn froskur einn dag

og svo líka ding dong doj jo jo jo jo.

 

Um a, sagði lítil græn eðla einn dag.

Um a, sagði lítil græn eðla.

Um a, sagði lítil græn eðla einn dag

og svo líka um a (tungan).

 

King kong, sagði stór svartur api einn dag.

King kong, sagði stór svartur api.

King kong, sagði stór svartur api einn dag

og svo líka king kong (barið á brjóst).

 

Kolakassinn

(nöfn barna sett í eyðurnar)

_______ datt í kolakassann

hæfadderí, fadderallalla.

Þegar ________ átti að passa (hann/hana)

hæfadderí, fadderallalla.

Ef (hann/hún) _____ vissi það

þá yrði (hann/hún) alveg steinhissa.

Hæfadderí, hæfaddera,

hæfadderí, fadderallalla.

 

Komdu til mín

Komdu til mín,

komdu til mín,

komdu til mín vinur.

 

Farðu frá mér,

farðu frá mér,

farðu frá mér vinur.

 

:,: Og klappa með hægri

og klappa með vinstri

og klappa með báðum

og snúa í hring :,:

 

Krókódíll í lyftunni minni

Það er krókódíll í lyftunni minni.

Ég er svolítið smeyk við hann.

Það er krókódíll í lyftunni minni,

og hann getur étið mann!

 

Krókódíll, förum á fyrstu hæð.

(aðra/þriðju/fjórðu/fimmtu)

Þú færð ekki að éta mig,

því að það er ég sem ræð!

 

Krummi krunkar úti

Krummi krunkar úti,

kallar á nafna sinn:

“Ég fann höfuð af hrúti,

hrygg og gæruskinn.

Komdu nú og kroppaðu með mér

krummi nafni minn.

Komdu nú og kroppaðu með mér

krummi nafni minn:"

 

Krummi svaf í klettagjá

Krummi svaf í klettagjá,

kaldri vetrarnóttu á,

:,: verður margt að meini:,:

Fyrr en dagur fagur rann,

freðið nefið dregur hann

:,: undan stórum steini:,:

 

Allt er frosið úti gor,

ekkert fæst við ströndu mor,

:,: svengd er metti mína,:,:

ef að húsum heim ég fer

heimafrakkur bannar mér

:,: seppi'úr sorp'að tína!:,:

 

Öll er þakin ísi jörð

ekki sér um holtabörð

:,: fleygir fuglar geta:,:

og þó leiti út um mó,

auða hvergi lítur tó

:,: hvað á hrafn að éta?:,:

 

Á sér krummi ýfði stél

einnig brýndi gogginn vel

:,: flaug úr fjallagjótum:,:

Lítur yfir byggð og bú

á bæjum fyrr en vakna hjú

:,: veifar vængjum skjótum:,:

 

Sálaður á síðu lá

sauður feitur garði hjá

:,: fyrrum frár á velli:,:

Krunk, krunk, nafnar komið hér!

krunk, krunk, því oss búin er

:,: krás á köldu svelli:,:

 

Krumminn

Krumminn í hlíðinni

hann fór að slá.

Þá kom Lóa lipurtá

og fór að raka ljá.

Hann gaf henni hnappa þrjá.

Bannaði henni að segja frá.

Þá kom spói spíssnefur

og hann sagði frá.

Þó var ljáin ei nema

hálft annað puntstrá.

 

Krumminn á skjánum

Krumminn á skjánum

kallar hann inn:

"Gef mér bita af borði þínu, bóndi minn."

Bóndi svarar býsna reiður:

"Burtu farðu, krummi leiður.

Líst mér að þér lítill heiður.

Ljótur ertu á tánum,

krumminn á skjánum."

 

Kvæðið um fuglana

Snert hörpu mína, himinborna dís,

svo hlusti englar guðs í Paradís.

Við götu mína fann ég fjalarstúf

og festi á hann streng og rauðan skúf.

 

Úr furutré, sem fann ég út við sjó,

ég fugla skar og líka úr smiðjumó.

Í huganum til himins oft ég svíf

og hlýt að geta sungið í þá líf.



Þetta vefsvæði byggir á Eplica