Sími 441-6600 

Þ

Þ

 

Þar er gott að vera

Þar er gott að vera sem gleðin býr

þar sem gerast sögur og ævintýr

svon' er veröldin okkar

sem laðar og lokkar

svo ljúf og hýr.

 

Lítill heimur ljúfur hýr,

lítill heimur ljúfur hýr,

lítill heimur ljúfur hýr,

eins og ævintýr.

 

Það er leikur að læra

Það er leikur að læra

leikur sá er mér kær

að vita meira og meira

meira í dag en í gær.

 

Bjallan hringir við höldum

heim úr skólanum glöð

prúð og frjálsleg í fasi

fram nú allir í röð.

 

Vinur minn

Það er skemmtilegast að leika sér

þegar allir eru með.

Í stórum hóp'inn um hlátrasköll

geta ævintýrin skeð.

Svo vertu velkominn!

Nýi vinur minn.

Það er skemmtilegast að leika sér

þegar allir eru með.

 

Það er ótrúlegt hverju lítið bros

fengið getur breytt.

Getur glatt og huggað jafnvel þá

sem við þekkjum ekki neitt.

Svo vertu velkominn!

Nýi vinur minn.

Það er ótrúlegt hverju lítið bros

fengið getur breytt

Hafdís Huld Þrastardóttir og Alisdair Wright

 

Það mælti mín móðir

Það mælti mín móðir

at mér skyldi kaupa

fley og fagrar árar,

far'á brott með víkingum.

 

Standa upp'í stafni,

stýra dýrum knerri,

halda svo til hafnar

og höggva mann og annan.

 

Þorramatur.

Ó hangikjöt, ó hangikjöt,

og rófustappa, grænar baunir og súrhvalur.

Ó hangikjöt, ó hangikjöt,

og sviðasulta, hrútspungar og harðfiskur.

 

Og hákarl og flatbrauð

mér finnst svo gott að borða allan þennan mat.

Og hákarl og flatbrauð

mér finst svo gott  að borða allan þennan mat.

                          (lag Ram-sam-sam)

 

Þorraþræll

Nú er frost á Fróni,

frís í æðum blóð,

kveður kuldaljóð

Kári' í jötunmóð.

Yfir Laxalóni

liggur klakaþil,

hlær við hríðarbyl

hamragil.

Mararbára blá

brotnar þung og há,

unnarsteinum á

yggld og grett á brá.

Yfir aflatjóni

æðrast skipstjórinn,

harmar hlutinn sinn

hásetinn.

 

Horfir í heyjaforðann

hryggur búandinn:

"Minnkar stabbinn minn,

magnast harðindin.

Nú er hann enn á norðan,

næðir kuldél

yfir móa' og mel

myrkt sem hel."

Bóndans býli á

björtum þeytir snjá.

Hjúin döpur hjá

honum sitja þá.

Hvítleit hringskorðan

huggar manninn trautt:

Brátt er búrið autt,

búið snautt.

 

Þogull Þorri heyrir

þetta harmakvein,

en gefur greið ei nein,

glíkur hörðum stein,

engri skepnu eirir,

alla fjær og nær

kuldaklónum slær

og kalt við hlær:

"Bóndi minn þitt bú

betur stunda þú.

Hugarhrelling sú,

er hart þér þjakar nú,

þá mun hverfa', en fleiri

höpp þér falla' í skaut.

Senn er sigruð þraut,

ég svíf á braut."

 

“Þórunn" dansar á pallinum

“Þórunn" dansar á pallinum

en “Gunna" skellihlær.

“Erna" er á sokkunum

og “Bjarney" datt í gær.

“Guðrún" keyrir kassabíl með “Nonna" á.

“Palli" kastar boltanum til og frá.

Þrisvar sinnum smell

Þrisvar sinnum smell
Syngjum ofurblítt  ( la la la la la)
Kinka svo kolli
Smellum lágt í góm
Hendurnar upp og hreyfa til og frá
En ekki hafa hátt  (ss shshs hs)
Ekki hafa hátt.  ( sh shs hs hs )




Þetta vefsvæði byggir á Eplica