B

Bokki sat í brunni

Bokki sat í brunni,

hafði blað í munni,
hristi sína hringa,
bað fugl að syngja.

Grágæsamóðir!
ljáðu mér vængi,
svo eg geti flogið
upp til himintungla.

Tunglið, tunglið taktu mig
og berðu mig upp til skýja,
þar situr hún móðir mín
og kembir ull nýja.

Þar sitja nunnur,
skafa gulltunnur.
Þar sitja systur,
skafa gullkistur.
Þar sitja kallar,
skafa gulldalla.
Þar sitja englar
og skafa gullteina.
Þar sitja Jónar,
skafa gullprjóna.
Þar sitja sveinar,
skafa gullteina.
Þar sitja Freyjur,
skafa gulltreyjur.
Þar sitja mágar,
skafa gulltágar.
Þar situr faðir minn
og skefur gullhattinn sinn.

 

Bangsi lúrir

(lag: Allir krakkar)

Bangsi lúrir, bangsi lúrir

bæli sínu í.

Hann er stundum stúrinn

stirður eftir lúrinn.

Að hann sofi, að hann sofi

enginn treystir því.

 

Bátasmiðurinn

Ég negli og saga og smíða mér bát

og síðan á sjóinn ég sigli með gát.

Og báturinn vaggar og veltist um sæ,

ég fjörugum fiskum með færinu næ

 

Best er að vera bóndakona

Best er að vera bóndakona,

búa með manni duglegum.

Álit mitt það er nú svona

að allt sé fullt af skyrdöllum.

Eyvindur minn með drógina sína,

Guðný mín með börnin sín,

ærnar mínar, kýrnar mínar,

byttan mín og myllan mín.

Eldhúsið mitt, búrið mitt,

baðstofan mín og loftið mitt,

heyin mín, lömbin mín,

Heimaflekkur og Mosa.

 

Bí, bí og blaka

Bí, bí og blaka

álftirnar kvaka,

ég læt sem ég sofi,

en samt mun ég vaka.

 

Bíum, bíum, bamba

börnin litlu ramba

fram á fjallakamba

að leita sér lamba.

 

Bjarnastaðabeljurnar

Bjarnastaðabeljurnar

þær baula mikið núna.

Þær eru að verða vitlausar

það vantar eina kúna.

Það gerir ekkert til,

það gerir ekkert til,

hún kemur um miðaftans bil.

Betri tíð:

Sumarið er komið -ummmmm

svona' á það að vera....

sólin leikur um  mig  

algjörlega  bera  -la, la, la, la,  la ..... oooohhhhh

 Ég  sit hér út' í garði

það  sér mig ekki nokkur

ég  gleymdi víst að kynna

kallinn minn hann Binna,
það  munar sko um minna,

hann er  rosakokkur

Bráðum kemur ekki betri  tíð

því  betri getur tíðin,því betri getur tíðin ekki orðið.

Bráðum kemur ekki betri  tíð

þá verður  uxahryggjasúpa, nei sveppahalasúpa

nei  uxahryggjahalanegrablómkálssveppasúpa

sett á  borðið, stofu borðið,

a ha, óhó úm, u  hu

 

Veturinn er grimmur,  brrrrr

gaf mér fáa kosti,

svo ógurlega dimmur, 

með alltof miklu frosti. 

 En nú er komið sumar

og sólin bræddi hrímið,

en hvað er ég að hugsa,

að fara að far' í spjarir, það er matartími.

Bráðum kemur ekki betri  tíð

því  betri getur tíðin, því betri getur tíðin ekki orðið.

Bráðum kemur ekki betri  tíð

þá verður  uxahryggjasúpa, nei sveppahalasúpa

nei  uxahryggjahalanegrablómkálssveppasúpa

sett á  borðið, stofu borðið,

a ha, óhó úm, u  hu

 

Broslagið

Það er ókeypis að b r o s a

Það er ókeypis að b r o s a

Það er ókeypis að b r o s a

að b r o s a – BROSA

 

Brunalið, köttur og skógarþröstur

Ba bú ba bú,

brunabíllinn flautar.

Hvert er hann að fara?

Vatn á eld að sprauta

dss dss dss dss

gerir alla blauta

 

Mjá, mjá, mjá, mjá,

mjálmar svarta kisa.

Hvert er hún að gara?

Út í skóg að ganga

uss, uss, uss, uss

skógarþröst að fanga.

 

bí, bí, bí, bí

skógarþröstur syngur.

Hvert er hann að fara?

Burt frá kisu flýgur

uí, uí, uí, uí,

loftin blá hann smýgur.

 

Bullvísur

Afi minn og amma mín

fóru út að hjóla.

Afi datt í drullupoll

og amma fór að spóla.

 

Bullulag (líkamspartar)

Það bjó einn karl í tunglinu,
í tunglinu, í tunglinu.

Það bjó einn karl í tunglinu
og hann hét Eikartré.
 

Augun voru úr kjötbollum,
úr kjötbollum, úr kjötbollum.

Augun voru úr kjötbollum og hann hét Eikartré.

Nefið var úr osti,
úr osti, úr osti.
Nefið var úr osti og hann hét Eikartré
 

Munnurinn var úr pizzu,
úr pizzu, úr pizzu.
Munnurinn var úr pizzu og hann hét Eikartré.

Hárið var úr hafragraut,
úr hafragraut, úr hafragraut.
Hárið var úr hafragraut og hann hét Eikartré.

(Svo er hægt að bæta við líkamspörtum og skálda úr hverju þeir er

Burtu með fordóma

 

Byrjunarlag

Ljúfir fagnaðarfundir,

góðan dag og góðar stundir.

Við syngjum allir saman

það er gleði og gaman.